Þegar ég fæ gesti með stuttum fyrirvara og á ég það frekar oft til að skella þessari saman, en uppskriftina fékk ég hjá mömmu fyrir löngu síðan. Uppskriftin er ofur einföld og tekur ekki nema svona 10 mínútur framkvæmd. Mér finnst hún alltaf best ef hún fær að standa í nokkra klukkutíma inni í ískáp, en það er samt ekki nauðsyn. En hér kemur uppskriftin af þessu yndi!
Makrónurjómabomba
Makrónukökur
Smá ávaxtasafi
Rjómasúkkulaði
½ l rjómi
Nóakropp
Jarðaber, bláber eða aðrir ávextir
Marengsbotn
Makrónurnar eru settar í botnin á eldföstumóti og smá ávaxtasafa dreypt yfir hverja köku (ca 2-3 dropar). Því næst er súkkulaðið saxað niður og dreift yfir og svo rjóminn þeyttur og einnig settur yfir. I lokin er marengsbotninn brotinn og honum dreift yfir rjóman ásamt nóakroppinu og ávöxtunum. Einfalt, auðvelt og fljótlegt.
Nammi namm!
Facebook Comments