Sumarið 2019 í myndum – Amanda

Sumarið 2019 í myndum – Amanda

 

Sumarið var hreinlega ótrúlega gott og öðruvísi að mörgu leiti. Ég ákvað loksins að taka mér almennileg sumarfrí en ég var í 3 vikur í fríi í maí og 3 vikur í ágúst. Það reyndist hafa verið frábær ákvörðun sem var tekin algjörlega áður en við Biggi fengum þær stóru fréttir að við ættum von á barni. Það hjálpaði gífurlega að hafa þetta góða frí, sérstaklega á fyrri hluta meðgöngunnar.

Við Biggi fórum í hringferð um landið með lítin húsvagn sem var mjög gaman, og tókum við tvo hunda af þremur með. Sú gamla fékk að fara í dekur pössun enda ekkert til í of mikið umstang. Einnig skrapp ég í smá mömmudekur til Eyja í maí. Júní og júlí einkenndust af þó nokkuð mikilli vinnu og ýmsum verkefnum sem rötuðu ekki á samfélagsmiðla, en ég er t.d. í framkvæmdarhóp Plastlaus septembers þetta árið.

Það var ótrúlega ljúft að geta farið aftur í frí í ágúst, en ég skrapp í nokkra daga til London með góðum vinkonum þar sem við átum yfir okkur af grænkera vænum mat, fórum á hið árlega London animal rights march, skoðuðum okkur um og svo var aðeins verslað á litlu Baunina. Seinni hluti frísins fór í að njóta góða veðursins og vinna á fullu í að undirbúa árvekniátakið Plastlaus September.

Hér koma nokkrar myndir af sumrinu í tilviljanakenndri röð.

Þar til næst!

Facebook Comments

Share: