Prjónað í fæðingarorlofi

Ég hef alltaf verið mikið fyrir að prjóna, eða í raun bara verið mikið fyrir allskonar handavinnu en prjón er í raun eitt stæðsta áhugamálið mitt. Þetta er áhugi sem ég fæ frá mömmu minni sem hún hefur frá mömmu sinni og svona koll af kolli langt aftur, en mamma hefur gefið út nokkrar prjónabækur sem hafa verið vinsælar hér á landi.

Minn prjónaáhugi hófst þegar ég var 6 ára, ég man alveg hvernig meira að segja. Í 6 ára afmælisgjöf frékk ég barnaprjónapakka frá bróður mínum, en þessi pakki var ótrúlega sniðugur. Í honum leyndust nokkrar hnotur, prjónar og hefti með nokkrum mjög auðveldum uppskriftum. Á þessum tíma kunni ég bara að fitja upp og dundaði mér við það með nýja prjónasettinu, fitja upp, rekja upp og fitja upp aftur o.s.fr. Ég man eins og þetta hafi gerst í gær að mamma spurði mig afhverju ég væri alltaf bara að fitja upp og hvort ég vildi ekki bara læra að prjóna sem hún svo kenndi mér. Frá því augnabliki ef ég aldrei – já aldrei – verið með tóma prjóna, oftast er ég með 2-3 eða fleiri verkefni í gangi og prjónað ógrynni af teppum, peysum sokkum, húfum o.þ.h.

Meðan ég var ólétt prjónaði ég samt ekki mikið fyrr en í lok meðgöngu og þá fór ég sko á fullt! Áður en Fannar fæddist var ég búin að prjóna níu peysur, einar buxur, einar stuttbuxur og tvennar húfur. Þrátt fyrir það var ég samt líka með nokkrar í vinnslu og á döfinni, en ég gjörsamlega elska að prjóna barnapeysur.

Langaði svona að sýna ykkur smá af því sem ég gerði í fæðingarorlofinu. Skrýtið að segja það, en ég hafði í raun ótrúlega mikinn tíma fyrst eftir að Fannar fæddist, hann er fyrirburi og eiga þeir það til að sofa talsvert meira en börn sem fæðast eftir fulla meðgöngu, allvegana svona meðan þau eru að ná sinni meðgöngulengd. Hann var einnig mjög rólegur og vær og stundum vissi ég ekki alveg hvað ég átti að gera við sjálfa mig því hann fylgdi bara sinni “rútínu” (í raun varð ég alltaf að vekja hann á 3 klst fresti til að gefa honum því hann vaknaði ekki sjálfur) þannig að ég notaði tímann milli gjafa til að horfa á Friends og prjóna með vögguna hliðina á mér.

 

20161122_132742

Smá sár yfir að hafa gleymt að taka mynd af honum í þessari en ég notaði hana rosalega mikið.

prjon2

Þessi hefur líka verið uppáhalds. Elska litinn á henni og hann fór nánast allaf út í vagn í þessari

prjon1

Þessi samfella er æði

prjon3

Þessa passar hann loksins í, en þetta er uppskriftin Blær frá Hlýna.

20161128_104223

Þessi var prjónuð án uppskriftar en mig langaði svo í hnútapeysu á hann

20161122_132925

Þessa hef ég prjónað oft og mörgum sinnum og gefið í sængurgjafir, þannig að mér fannst alveg nauðsynlegt að Fannar myndi eiga líka eina 🙂

20161128_104203

Skrímslabuxurnar!

20161128_104513

Þetta sett fer að passa á hann fljótlega. Hef gert þetta nokkrum sinnum áður og gefið í sængurgjafir.

20161128_104349

Ég dýrka þetta sett, það er enn talsvert stórt en ég vona að hann geti verið í því um næstu jól 😉

Í dag er ég með nokkrar peysur, húfur, sokka og vettlinga í vinnslu en hef ekki alveg jafn mikin tíma og ég gerði í upphafi fæðingarorlofsins, en ég nýti samt oft tímann á kvöldin og þegar hann tekur lúr á daginn við að dunda mér við prjónaskap. Ég er voðalega spennt fyrir að fara að hekla líka. Ég hef aldrei verið mikið fyrir hekl, en langar að endurnýja kynnin aftur við það og leyfi ykkur svo kannski að sjá afraksturinn ef eitthvað heppnast 😉

 

hildurhlin

Author Profile

Hildur Hlín

Hildur Hlín er 35 ára móðir í Reykjanesbæ. Hún er margmiðlunarhönnuður og naglafræðingur og hefur brennandi áhuga á hönnun, handverki, nöglum, tísku og lífsstíl sem og móðurhlutverkinu og öllu sem því tengist. Hún á einn dekurmola, hann Fannar Mána sem er fæddur í október 2015.


Facebook Comments

Share:

Leave a Reply

Your email address will not be published. Required fields are marked *