Næstkomandi sunnudag, þann 27. ágúst milli, kl.14:00 – 17:00 verður í annað sinn haldinn Pop-Up Ævintýraleikvöllur. Leikvöllurinn er haldin af RIE-foreldrum í samstarfi við Hafnarborg, menningar- og listamiðstöð Hafnarfjarðar og Kristínu Maríellu hjá www.respectfulmom.com
Pop-Up Ævintýraleikvöllurinn er innblásin af uppeldisstefnunni RIE (Respectful Parenting / Virðingarríkt Tengslauppeldi) í tengslum við leik barna. Stefnuna er hægt að kynna sér nánar á respectfulmom.com eða janetlansbury.com
Við Fannar kíktum á leikvöllinn þegar hann var haldinn síðast og skemmtum við okkur alveg svakalega vel. Á svæðinu verður allskonar spennandi efniviður sem börnin fá að leika með og rannsaka á eigin forsendum; pappakassar, efnisbútar, vatnsker, pottar, pönnur, reipi, teip og svona mætti lengi telja!
Fannari fannst ekkert smá gaman að leika sér með allt sullu dótið, mála, hella á milli og bara almennt sulla. En einnig fannst honum roslega gaman að fá að vera ofan í ristastórum kass og kríta á pappann.
Aðalleiksvæði leikvallarinns er staðsett úti á planinu við Hafnarborg og er það leiksvæði hugsað fyrir börn eldri en 2 ára.
Fyrir börn á aldrinum 0-2 ára verður í boði að rannsaka aldursskipt innisvæði sem RIE-foreldrar munu setja upp í anda RIE uppeldisstefnunnar.
Á báðum leiksvæðum verður markmiðið að börnin fái tíma og tækifæri til þess að leika sér sjálf við hinn ýmsa opna efnivið og kanna umhverfið sitt á sínum eigin forsendum. Opinn efniviður er það leikefni sem hefur engann fyrirfram ákveðinn tilgang og því undir börnunum komið að nota ímyndunaraflið. Við bjóðum foreldrum að fylgjast með og njóta.
Við mælum klárlega með að kíkja á Ævintýraleikvöllinn en leiksvæðið verður eins og áður segir opið á milli 14-17, sunnudaginn 27. ágúst, í Hafnarborg, Strandgötu 34 í Hafnarfirði (frítt inn).
Hægt er að skoða viðburðinn nánar hér
Facebook Comments