Vöruna fékk ég að gjöf óháð umfjöllun.
Um daginn fékk ég alveg gullfallega sendingu, en í henni voru nokkrar vörur frá Lancôme. Lancôme er eitt af mínum allra uppáhalds merkjum og var ég svo kát með þessa fallegu gjöf. Í sendingunni leyndist ýmislegt góss sem ég hef verið að prufa síðustu daga, en m.a. var þetta æðislega Visionnarie krem í pokanum og var það meira að segja sérmerkt mér!
Visionnarie Advanced Multi Correcting Cream er vara sem mig hefur lengi langað að prufa. Ég notaði alltaf á tímabili HydraZen línuna frá Lancôme og var ótrúlega ánægð með hana. En þegar húðin manns eldist þarf maður að endurnýja húðvörurnar í samræmi við það.
Visionnarie línan hentar einstaklega vel húðgerðum 25 ára og eldri, en í stuttu máli er vörunum í þeirri línu ætlað að vinna á móti öldrun húðarinnar. Vörurnar þétta húðina, minnka sýnileika svitaholna og gefa húðinni rakamikla fyllingu. Akkúrat það sem húðin mín er farin að þarfnast 🙂
Ég á örugglega aldrei eftir að geta hætt að dásama Lancôme vörurnar en þær eru hver annari betri.
Á morgun, miðvikudaginn 18. apríl, er miðnæturopnun í Kringlunni og verða þá allar Lancôme vörur á tvöföldum afslætti í Hagkaup, þ.e.a.s. 20% kynningarafslætti PLÚS svo TaxFree afsláttur sem bætist við á morgun!!
Það sem meira er þá verður hægt að láta letra á Lancôme vörurnar sínar milli kl. 17-20 á morgun. Áletrunin gefur vörunum einstaklega skemmtilegan og persónulegan blæ, ég veit allavegana að mitt lok á eftir að flakka á milli yfir á nýju krukkuna þegar þessi sem ég á klárast 😉
Þess má einnig geta að happdrætti verður í gangi, en allir þeir sem versla Lancôme vörur milli kl 17-20 (Í Hagkaup Kringlunni) eiga færi á að vinna glaðning frá Lancôme að andvirði 30.000 kr.
Þannig að nú er um að gera að næla sér í sínar uppáhaldsvörur frá Lancôme á frábærum afslætti og gera þær persónulegar með flottri áletrun.
Facebook Comments