Greinin er unnin í samstarfi
Fannari mínum var farið að vanta góðan jakka fyrir þetta sumar. Við höfum alltaf átt góðan softshell jakka á hann en þar sem að pjakkurinn er búinn að taka vaxtarsprett eftir vaxtarsprett síðustu mánuði að þá var kominn tími á nýjan. Ég kíkti eins og svo oft áður í Name it og fann, að mér finnst, hinn fullkomna jakka. Jakkinn er léttur og góður og með flísfóðri. Ysta lagið er vatns- og vindhelt og hentar því einstaklega vel fyrir rigningasama sumardaga. Jakkarnir fást í nokkrum týpum en við völdum svona túrkisgrænan lit sem mér finnst alveg æðislega fallegur á litla glókollinum mínum.
Við ákváðum að prufukeyra nýja jakkann í góðu rigningarveðri um daginn. Við kíktum í skrúðgarðinn hérna í Keflavík og eyddum smá tíma þar í leiktækjunum sem og “ævintýraferð” um steinagarðinn sem er þar (lítil tjörn á sumrin). Fannar elskaði þetta uppátæki og lék á alls oddi í garðinum, flakkaði á milli leiktækja og hljóp um. Það sem mér fannst yndislegt að fylgjast með honum á hlaupum í sínum ævintýraheimi.
Jakkinn stóðst allar væntingar, á meðan mamman varð nánast blaut inn að beini þá sást varla á drengnum að hann hafi verið úti í rigningunni að leika sér.
Author Profile
-
Hildur Hlín er 35 ára móðir í Reykjanesbæ. Hún er margmiðlunarhönnuður og naglafræðingur og hefur brennandi áhuga á hönnun, handverki, nöglum, tísku og lífsstíl sem og móðurhlutverkinu og öllu sem því tengist. Hún á einn dekurmola, hann Fannar Mána sem er fæddur í október 2015.
Latest entries
Uncategorized2020.04.07Kókoskúlur
Uncategorized2020.03.26Hugmyndabanki fyrir inniveru
Uncategorized2019.12.16Jólagjafahugmyndir fyrir HEIMILIÐ
Uncategorized2019.12.16Jólagjafahugmyndir fyrir UNGLINGINN
Facebook Comments