Mér finnst mjög gaman að baka og hef núna undafarið bakað mikið um helgar. Ég hef oftast verið að baka eitthvað sætt til að eiga með kaffinu en upp á síðkastið hef ég verið að baka talsvert meira af brauði en vanalega. Það er ein uppskrift af brauðbollum sem mér finnst æðislegri en allt og langar mig til að deila henni með ykkur. Ég geri þessar bollur mjög oft, geymi þá nokkrar til að borða strax og set rest inn í fyrsti og tek út til að hafa með súpum o.þ.h.
Kotasælubollur
50 gr smjör
4 dl mjólk
1 pakki þurrger
½ tsk salt
1 tsk kardimommudropar
4 msk sykur
200 gr kotasæla
12 dl hveiti (600 gr) – maður þarf aðeins að finna út hversu mikið hveiti maður vill hafa, ég bæti nánast alltaf aðeins við
½ egg
½ egg til penslunar
Bræðið smjörið og hitið mjólkina með. Stráið gerinu út í hveitið og blandið svo öllum innihaldsefnum saman við og hnoðið allt saman. Látið degið lyfta sér í 45 mín. Að því loknu eru mótaðar bollur og þær látnar lyfta sér í 30 mín. Penslið bollurnar með eggi og bakið í miðjum ofni við 225°C í 10 mín.
Author Profile
-
Hildur Hlín er 35 ára móðir í Reykjanesbæ. Hún er margmiðlunarhönnuður og naglafræðingur og hefur brennandi áhuga á hönnun, handverki, nöglum, tísku og lífsstíl sem og móðurhlutverkinu og öllu sem því tengist. Hún á einn dekurmola, hann Fannar Mána sem er fæddur í október 2015.
Latest entries
Uncategorized2019.11.06Nýjungar frá Lancôme
Uncategorized2019.11.05Gómsætur kjúklingaréttur
Uncategorized2019.11.04Erum við að leita að þér?
Uncategorized2019.10.15Afmæli með vinnuvélaþema
Facebook Comments