Fyrir rétt tæpu ári keyptum við Halldór okkur hús hér í Njarðvík. Í sumar erum við búin að vera að spá mikið í garðinum okkar en hann þarf smá viðhald, breytingu og bara heildar útlit. Það hefur ekki verið mikið gert í garðinum síðustu ár, frekar mikil órækt og garðurinn sjálfur frekar fátæklegur. Halldór er með hugmyndir um hænsnakofa, bílabraut, grillpitt og eitthvað í þá áttina, en ég er með aðeins minna róttækari hugmyndir.
Í garðinum er smá leiksvæði sem nýtist Fannari okkar vel, eitt rólustæði og hin fínasti sandkassi (sem reyndar þarf smá upplífgun). Rólustæðið var í ansi mikilli niðurníðslu, málningin öll byrjuð að flagna, ryðblettir byrjaðir að myndast og rólusetan slitin. Mig langaði strax að reyna að lífga aðeins upp á þetta rólusett og fór á stúfana til að finna út hvað hægt væri að gera.
Rólan fyrir breytingu
Við byrjuðum á að slípa aðeins yfir járnið og slétta þar sem málningin var byrjuð að flagna. Því næst notuðum við svarta Hammerite málningu (fæst í Byko) og máluðum yfir allt rólusettið. Hamred málningin er æðisleg á járn, en hana er hægt að mála beint á járnið án þess að grunna og hún er einnig með ryðvörn þannig að ryð á ekki að komast í gegn.
Þegar settið var orðið klárt, ný málað og fallegt, settum við upp nýjar rólusetur sem við fengum hjá Krumma. Við ákváðum að setja seturnar í sitthvora hæðina, aðra lága fyrir Fannar og hina aðeins hærri fyrir aðra krakka (eeheemm eða þið vitið – okkur 😉 )
Rólan eftir breytingu
Ég er alveg hrikalega sátt með útkomuna og glöð með hvað auðveld og ódýr breyting getur gert mikið.
Author Profile
-
Hildur Hlín er 35 ára móðir í Reykjanesbæ. Hún er margmiðlunarhönnuður og naglafræðingur og hefur brennandi áhuga á hönnun, handverki, nöglum, tísku og lífsstíl sem og móðurhlutverkinu og öllu sem því tengist. Hún á einn dekurmola, hann Fannar Mána sem er fæddur í október 2015.
Latest entries
Uncategorized2019.11.06Nýjungar frá Lancôme
Uncategorized2019.11.05Gómsætur kjúklingaréttur
Uncategorized2019.11.04Erum við að leita að þér?
Uncategorized2019.10.15Afmæli með vinnuvélaþema
Facebook Comments