Uppáhalds hafraklattar Amöndu

 

Processed with VSCO with a5 preset

Uppskriftin að þessum guðdómlegu hafraklöttum eru algjörlega í uppáhaldi hjá mér en ég hef bakað þá margoft og þeir bara klikka ekki. Mér finnst þeir alltaf jafn góðir og það er auðvelt breyta hráefnum til eftir sínu höfði.

Þeir eru fljótlegir í gerð og bakstri, geymast í um 5-7 daga í kæli og er ansi ljúft að eiga nokkur stykki inn í frysti ef að heimsókn ber að garði eða ef þig langar bara í ansans snarl.

Eins og þið sem fylgið mér á snapchat vitið, þá lifi ég fyrir mat, og snarl/millimál er ekki eitthvað sem skal vanmeta. Pirrað fólk (lesist: ég) er fólk sem gleymdi að fá sér snarl. Punktur.

Ef þið viljið fleiri hugmyndir að millimálum þá getið þið skoðað uppskriftir mínar að orkukúlum hér.

Hráefni

– 3 vel þroskaðir bananar

– ¼ bolli eplamauk án viðbætts sykurs

– 2 tsk vanillu dropar

– 2 og ¼ b hafrar

– ½ tsk matarsódi

– ½ tsk lyftiduft

– 1 tsk kanill

– ¼ tsk salt

1/3 bolli hnetur, fræ eða þurrkaðir ávextir

Hér getið þið sett það sem ykkur lystir en ég vel yfirleitt bara það sem er til í skápnum hverju sinni. Í þetta sinn setti ég pekan hnetur, þurrkuð trönuber og sólblómafræ. Einnig er mjög gott að eiga smá aukalega af fræjum til að strá yfir klattana áður en þeir fara í ofninn.

Processed with VSCO with a5 preset

Hafrarnir eru malaðir í blandara og hrærðir við matarsóda, lyftiduft, kanil og salt.

DSC_2313edit

Bananar, eplamauk og vanilludropar eru stappaðir saman í hrærivél eða með blandara (megið líka nota bara gaffal ef þið eruð badass).

Processed with VSCO with a5 preset

Þurrefnum er blandað við blautefnin og loks hnetum og fræjum hrært út í með sleif.

Deiginu er komið fyrir í bökunarformi (mitt var 20x20x5cm) og fræjum stráð yfir ef þið kjósið þá leið. Klattarnir eru bakaðir við 180°C í 15 mín. Leyfið þeim að kólna áður en þið skerið þá niður í þá stærð sem hentar ykkur.

Processed with VSCO with a5 preset

Processed with VSCO with a5 preset

Njótið elskur.

Þar til næst!

25394161_10155102685835983_63182946_n

 

Facebook Comments

Leave a Reply

Your email address will not be published. Required fields are marked *