Tenerife með barn

Við sambýlismaðurinn skelltum okkur til Tenerife á dögunum og var það í fyrsta skipti sem ég fer til útlanda síðan sonur minn fæddist. Mig langar að deila með ykkur nokkrum tipsum & myndum úr ferðinni en vonandi geta einhverjir notið góðs af því, eða að minnsta kosti gert eins og ég: skrollað og skoðað myndir úr útlandaferðum annarra meðan ég læt mig dreyma um að komast í slíkt ferðalag sjálf! (Ég er pottþétt ekki ein um þetta). Áður en ég lagði af stað var ég lost hverju ég ætti að pakka en elsku Hildur Hlín bjargaði mér alveg með þessari færslu sinni hér, en þar er að finna góðan og ítarlegri lista yfir hvað er gott að hafa meðferðis.

Tenerife er mjög vinsæll ferðamannastaður en hann hentar einstaklega vel að okkar mati fyrir þá sem vilja reyna að slappa af og eru með barn/börn með í för.

 

 

Ég tek það þó fram að það er ekki beinlínis frí að vera erlendis með barn heldur er betra að horfa á það sem ferðalag…þar sem stöku slökun í sól er möguleg & kokteill um hádegi á virkum degi er samfélagslega samþykktur!

 

 

Nokkur tips fyrir barnafólk:

Sólhattur er möst, ég keypti hvítan sem passaði við allan fatnað en hann var keyptur í H&M hérna heima áður en við fórum ef ske kynni að sólin myndi taka á móti okkur strax á flugvellinum. Hann kostaði eitthvað í kring um þúsund krónur minnir mig.

Sólarvarnarfroðan frá Evy (Proderm) er auðveld og þægileg i notkun og tiltölulega litið klístruð. Umfram allt er þægilegt að maka henni á barnið!

Snakkpokinn bjargaði okkur oft frá kerrusetupirring. Ég keypti litla klísturhelda rennda poka í Söstrene Grene. Í þá setti ég ýmist barnakex, Ellu puffs, cherios, rúsínur, vínber eða saltstangir (saltið getur verið gott i hitanum).

Sörf-gallinn, barnið getur verið viðkvæmt fyrir sólinni og því er gott að verða sér út um langerma sundgalla á barnið, mér fannst þeir ekki auðfundnir og hvað þá að hægt væri að velja um einhvern smekklegan en við fundum okkar í Primark eftir nokkra leit.

– Leikföng í flugið. Flugið til Tenerife eru tæpir 6 timar og það hefur enginn smákrakki gaman að því allan tímann. Ég skrapp í dásamlega búð í Kópavoginum sem heitir Margt og mikið og vávává, ég fer ekki í plastdraslið í ToysRus aftur í bráð. Þarna má finna dásamlega falleg og vönduð tréleikföng ásamt svo ótrúlega mörgu öðru skemmtilegu fyrir börnin.

Gráar sokkabuxur urðu skyndilegt möst hjá okkur en litli maðurinn er ekki alveg farinn að ganga og til þess að geta verið sumarlegur i stuttbuxum var stundum nauðsynlegt að hafa hann i sokkabuxum til þess að hlífa fótleggjunum, en oft var hann að skríða á stéttinni úti og þess háttar. Hvítar sokkabuxur eru fljótar að verða skítugar og það vill enginn vera í svörtum sokkabuxum í sólinni.

Góð kerra er aðalatriðið í svona ferð en við eigum Silver cross Reflex eins og allir Íslendingar held ég. Hún kom sér mjög vel í ferðinni en skerminn er hægt að leggja alveg niður sem er mjög hentugt fyrir síestuna hjá litla fólkinu.

Vatnskanna/flaska er mikilvæg en ég fann fyrir því að ég þurfti að minna sjálfa mig á að gefa barninu að drekka mun oftar en við erum vön.

Blautþurrkur eru þarfaþing og vanalega nota ég waterwipes en þær eru ekki með neinum ilmefnum eða neinu. Þær henta því fínt í bleyjuskipti, klístraða putta, skítugt andlit & þegar búið er að sulla mat í fötin. Mínar kláruðust og það er ekkert smá magn af sápu og ilmefnum i algengustu þurrkunum hér. En ég fann ágætar blæði bleyjur og blautþurrkur í Carrefour sem er eins konar Wallmart Spánverjans.

Stílar er eitthvað sem gott er að hafa með hvert sem maður fer. Flensa eða verkir gera ekki boð á undan sér og það er ágætt að vera með Nurofen (barna ibufen) og stíla meðferðis til öryggis.

 

Hér getið þið svo séð smá brot af fríinu okkar:

 

Sandalarnir og sólgleraugun eru úr H&M

 

Aukasætið á milli foreldranna – þvílíkur bónus!

Hér er hann með sólhattinn úr H&M en stuttbuxurnar eru úr Petit

Fyrsta sinn á McDonalds

Valur kælir flöskuna

Mjög víða skemmtileg leiktæki fyrir börn – mæli sérstaklega með garðinum fyrir utan Park Santiago VI

Mæli ekki sérstaklega með barnamatseðlum, oftast var betra og hollara að gefa barninu bara að borða af okkar mat

Hinn fullkomni kimono (ok náttsloppur)

Silver Cross Reflex – mjög hentug í sólarlandi

Apagarðurinn var líklega hápunktur ferðarinnar

Ein þreytt mamma en samt endurnærð

 

Þið finnið okkur mæðgin á instagram hér, ekki hika við að senda okkur línu ef þið hafið spurningar!

 

 

 

Facebook Comments