Sumarleg jógúrtterta

Fyrr í sumar hafði blaðamaður frá Fréttablaðinu samband og bað mig um að gefa þeim gómsæta uppskrift og veita þeim smá viðtal. Mér fannst það sjálfsagt mál og ótrúlega ánægð með það að blaðamaðurinn hafði séð á blogginu hversu gaman mér þykir að baka og elda. Ég var ekki lengi að ákveða hvaða uppskrift mig langaði að gera en þessi einstaklega ferska og góða jógúrtterta á sér sérstakan stað í hjarta mínu þar sem mamma mín gerði þessa tertu í hverri einni og einustu veislu sem hún hélt fyrir okkur fjölskylduna.

Uppskriftin er lauflétt en vandasöm og það elska allir þessa tertu. Ég mæli því með því að prófa hana sem fyrst 🙂

Jógúrtterta með ferskum jarðarberjum:

Botn:
250 gr Homeblest-kex
100 gr smjör
1 msk. sykur

Jógúrtkrem:
200 gr fersk jarðarber
500 gr jógúrt með jarðarberjum
150 gr sykur
1 og 1/2 tsk vanillusykur
6 matarlímsblöð
4 dl rjómi

1.jpgByrjið á því að bræða smjörið. Myljið því næst kexið niður, gott er að nota matvinnsluvél. Bætið sykrinum út í brædda smjörið og hrærið vel saman. Hellið smjörinu saman við kexmulninginn og blandið vel saman.

Þjappið svo kexblöndunni vel í botninn á smelluformi og setjið í kæli

Setjið jógúrt og jarðarber í matvinnsluvél eða merjið berin vel og blandið þeim saman við jógúrtina. Hrærið sykrinum og vanillusykrinum saman við.

Leggið matarlím í kalt vatn í um það bil fimm mínútur. Kreistið vatnið svo úr þeim og leggið þau ofan í örlítið af heitum rjóma. Hrærið vel saman. Leyfið svo blöndunni að kólna örlítið aður en þið blandið henni varlega saman við jógúrtblönduna.2.jpg

Þeytið 4 dl af rjóma og blandið vel saman við jógúrtblönduna.

Takið botninn úr kælinum, bætið jógúrtblöndunni ofan á og skellið svo forminu aftur í kæli helst yfir nótt en að lágmarki í 3-5 klukkustundir áður en tertan er borin fram.

Gott er að losa örlítið hliðarnar frá með örþunnum spaða áður en forminu er smellt af og tertan færð yfir á kökudisk. 3.jpg

Ég skreytti kökuna með örlítið af Homeblest-kex mulningi, ferskum jarðarberjum, ferskum hindberjum og súkkulaði dropum, en að sjálfsögðu er hægt að skreyta kökuna með hverju sem er eða jafnvel sleppa því.

4.jpg

Verði ykkur að góðu!

Viðtalið í heild sinni er svo hægt að lesa á blaðsíðu 2 hér.

Þangað til næst,

anita

 

Facebook Comments
Share:

Leave a Reply

Your email address will not be published. Required fields are marked *