Samverudagatal fyrir fjölskylduna

 

 

Mig langar að deila með ykkur smá samverudagatali sem ég er búin að vera að dunda mér við að útbúa fyrir okkur fjölskylduna. Ég hef séð svona dagatöl oft áður og alltaf þótt þetta ansi skemmtileg hugmynd. Ég ákvað því í ár að setja saman svona dagatal þar sem notalegar samverustundir eru markmiðið.

 

Ég fann tré í Søstrene Grene sem mér fannst fullkomið fyrir dagatalið, ég ákvað að skreyta það aðeins og gera það enn jólalegra. Miðana sem ég skrifa samverustundirnar á og hengi svo á tréð fékk ég í gjöf frá Reykjavík Letterpress, en mér finnst þessir miðar vera alveg fullkomnir fyrir samverudagatöl.

 

Listann yfir samverustundirnar setti ég svo saman, en það er möguleiki að ég þurfi að rótera aðeins í dögunum þegar nær dregur, því sumt af þessu fer eftir veðri sem og Reykjavíkurferðum hjá okkur fjölskyldunni 😉

 

  1. desember – Skreyta jólatréð
  2. desember – Fylgjast með þegar kveikt verður á jólatrénu í Skrúðgarðinum
  3. desember – Baka smákökur
  4. desember – Spila
  5. desember – Fara með pakka undir tréð í Kringlunni
  6. desember – Búa til fuglamat
  7. desember – Fara á jólaleikrit
  8. desember – Búa til jólaskraut
  9. desember – Lautarferð út í skóg með heitt kakó og piparkökur
  10. desember – Kíkja í jólabúðina í Reykjavík
  11. desember – Búa til konfekt
  12. desember – Fara á jólaball
  13. desember – Búa til piparkökuhús
  14. desember – Föndra jólaskreytingu
  15. desember – Kíkja á Árbæjarsafnið
  16. desember – Fara á bókasafnið
  17. desember – Fara í jólaklippingu
  18. desember – Göngutúr með vasaljós
  19. desember – Lesa jólasögu
  20. Desember – Fara á kaffihús og fá sér heitt súkkulaði og piparkökur
  21. Desember – Skoða jólaljósin/skreytingarnar
  22. desember – Horfa saman á jólamynd
  23. desember – Þrífa bílinn
  24. Desember – Horfa á jólateiknimyndir

Ég var svo með nokkrar hugmyndir sem komust ekki á dagatalið í ár sem og hugmyndir sem henta okkur ekki en gætu nýst öðrum 🙂

  • Hitta jólasveinana á þjóðminjasafninu
  • Fá heitt kakó og smákökur í morgunmat
  • Fara á jólamynd í bíó
  • Gera jólagjafir handa ömmum, öfum, systkinum
  • Fara á skauta
  • Fara í ísbíltúr

 

 

Ætla að leyfa ykkur að fylgjast betur með dagatalinu okkar á Instagraminu mínu þannig að endilega fylgið mér þar – hildurhlin

 

Facebook Comments
Share:

Leave a Reply

Your email address will not be published. Required fields are marked *