Hugmyndir af millimáli

Hér kemur bloggfærslan mín, sem ég hef nokkrum sinnum lofað að skrifa: um hugmyndir að millimáli. Allt eru þetta hugmyndir sem innihalda ekki dýrafurðir. Einnig er þetta allt millimál sem ég hef neytt í kjánalega marga daga í röð en ég er alveg týpan sem fær æði fyrir einhverju og borðar það endalaust þar til ég fæ nóg. Hægt er að finna endalaust af hugmyndum af millimáli en þetta eru mín uppáhalds og þau klikka aldrei.

  • Poppkex með hnetusmjöri eða möndlusmjöri og banana

  • 2-3 ferskar döðlur fylltar með hnetusmjöri (munið að taka steininn úr)

  • Orkukúlur (uppskriftir hér)

  • Prótein muffins (uppskrift hér)

  • Hristingar/Smoothies

  • 2 ristaðar sneiðar af lágkolvetnabrauði með tofurky skinku og smávegis oatly rjómaosti

  • Hummus + gúrka/gulrætur/paprika/blómkál

  • Poppkex með tofurky skinku, stöppuðu avocado og svörtum pipar

  • Banani/epli/pera og hnetusmjör (mér finnst pera og hnetusmjör mjög gott)

  • Steiktar edamame baunir (létt steiktar í 5-10 mín með smá salti, fæ mér yfirleitt um 1 bolla sem millimál, fást belglausar í frystivörunni í Krónunni).

  • Banana hafraklattar (uppskrift hér)

  • Tamari möndlur (mér finnst gott að grípa í þetta þegar vantar fitu inn í daginn)

  • Bláberja- og quinoa klattar (sjá uppskrift hér)

  • Ferskur aspas steiktur upp úr smá kókosolíu og salti (fáránlega gott!)

  • Heilkorna flatbrauð með hummus, gúrku og sriracha sósu

  • Heilhveiti tortilla vefja smurð með smá hnetusmjöri, sultu án viðbæts sykurs, banani settur

    í miðjuna og tortillunni vafið utan um hann.

Prótein muffins

Hafraklattarnir góðu

Heilhveiti vefja með sultu, hnetusmjöri og banana

Það er snilld að eiga orkukúlur í ísskápnum loftþéttu boxi til að grípa í

Það er best að gera hristinga með trefjum og öllu, en það getur verið mjög gott að taka svona með í vinnuna/skólann ef það er lítið til af nesti

Epli og hnetusmjör – ávalt klassíkt

Hummus og niðurskorið grænmeti, í dag myndi ég þó nota nestisbox í stað plast pokans

Það er alltaf gott að eiga ávexti til að grípa í. Ég er mikill naslari á kvöldin og seðja safaríkir ávextir oftast þörfina.

Bláberja quinoa hafraklattar

Vona að þessi listi hafi verið til gagns!

Þar til næst.

Facebook Comments

Leave a Reply

Your email address will not be published. Required fields are marked *