Að gefa egg – mín reynsla.

Að eignast börn er alls ekki sjálfsagður hlutur, ég er svo heppin að að hafa ekki átt í neinum erfiðleikum og á tvær yndislegar dætur en á síðustu árum hef ég kynnst nokkrum konum/pörum sem hafa átt í erfiðleikum, hafa reynt í langan tíma og jafnvel misst fóstur og sumar oftar en einu sinni. Ég get ekki ýmindað mér tilfinninguna að ganga í gegnum slíka hluti og í langan tíma hefur mig langað til þess að gefa egg, til þess að reyna að gera það sem ég get til þess að hjálpa fólki sem dreymir um að eignast börn en getur það ekki nema með hjálp en afhverri ástæðu setti ég það alltaf á bið.

Í febrúar las ég frétt, sem þið getið lesið hér þar sem stóð að það væru tæplega 80 konur á biðlista eftir eggjum og að biðin sé um 2 ár, þá tók ég þá ákvörðun að núna væri rétti tíminn fyrir mig að gefa og í endan febrúar sendi ég póst á reykjavik@livio.is og byrjaði ferlið, þau sendu mér spurningalista tilbaka sem ég svaraði og fékk í kjölfarið tíma í viðtal og skoðun hjá lækni, þar gekk allt vel og þá fékk ég tíma hjá félagsráðgjafa, við ræddum um ýmislegt, líðan mitt, hvers vegna ég væri að gefa egg, fjölskyldu söguna mína, hvort það væru einhverjir sjúkdómar í fjölskyldunni og þannig, eftir það fékk ég tíma í meðferðarfræðslu þar sem var farið yfir lyfin sem eru notuð, hvernig skal nota þau og hvenær og hvernig eggheimtan sjálf færi fram, ég beið síðan eftir að byrja á blæðingum og byrjaði þá að nota kvöld sprautuna, og fyrsta sprautan var 6. júní. Ég var búin að kvíða því mjög lengi að byrja að sprauta mig en ég er með rosalega sprautufóbíu og var heillengi að telja í mig kjark til að nota fyrstu sprautuna en eftir hana varð þetta mun auðveldara og í endan var ég farin að sprauta mig 2x á dag án þess að hugsa um það, 11. júní byrjaði ég svo að nota morgun sprautuna og fór í skoðun uppí livio til þess að athuga hvort það þyrfti að breyta skammtinum af sprautunum, allt leit vel út og skammturinn af kvöld sprautunni var hækkaður úr 150mg í 225mg og fékk annan tíma í skoðun föstudaginn 15. júní. Þá hitti ég Snorra sem er yfirlæknir hjá livio og framkvæmir eggheimtuna, hann skoðaði mig og bókaði mig svo í eggheimtuna strax mánudeginum eftir, eftir það var ein kvöldspraut og ein morgun sprauta og svo notaði ég nefúða á laugardagskvöldinu til þess að koma í veg fyrir að eggin myndu losa sig sjálf.

Ég fékk verkjalyf með mér heim sem ég átti að taka áður en ég mætti og þurfti að hafa einhvern til þess að skutla mér heim þar sem það má ekki keyra heim eftir eggheimtuna, það má svo taka einhvern með sér inn í eggheimtuna og kærasti minn kom með mér, ég mætti klukkan 9 og var sett inní herbergi þar sem ég klæddi mig úr og fór í slopp, það var hægindastóll þar inni svo maður gæti slakað á eftir aðgerðina áður en maður færi heim. Eggheimtan var svo klukkan 9:30 og þá fékk ég morfínskylt lyf í æð og staðdeyfingu í vinkonuna 😉 aðgerðin er svo framkvæmd með sónartæki sem sett er smá nál framan á til þess að sjúga vökvann úr eggbúunum, þú færð að fylgjast með öllu sem er að gerast á skjá fyrir framan þig og Snorri útskýrir svo allt hvað er í gangi. Þetta tók u.þ.b 30-40 mín og og gekk allt mjög vel, ég fékk svo að vita hversu mörg egg náðust og það voru 20 egg í heildina. Eftir aðgerðina var ég svo í smá hvíld í 2 daga en kærasti minn fór með stelpurnar okkar til tengdó svo ég gæti slakað á, ég er búin að finna voðalega lítið fyrir verkjum og er bara mjög hress eftir aðgerðina.

Starfsfólkið hjá Livio er allt saman yndislegt og það er hugsað ótrúlega vel um mann, ég er mjög þakklát fyrir tækifærið að geta gefið af mér og vonast til þess að geta gefið aftur bráðlega, á sama tíma vil ég hvetja aðrar konur til þess að íhuga að gefa egg. Þetta er ótrúlega falleg og dýrmæt gjöf.

 

Facebook Comments
Share:

2 Comments

  1. Brynja Frænka
    June 21, 2018 / 10:11 pm

    Mikið rosalega er ég stolt af þér dúllan mín.

    • Elísabet Kristín
      June 22, 2018 / 3:02 pm

      Takk ❤️

Leave a Reply

Your email address will not be published. Required fields are marked *